一天，斑馬巧遇老虎。

斑馬：其實，要做萬獸巨星係咪好難嘅呢？

老虎：it depends

斑馬：咁要點先可以做到？

老虎：有三個方法…

斑馬：願聞其詳。

老虎：一係呢，你就好好打，打低幾隻獅子，包你無人不識，無人不服。

斑馬：Err… 咁第二個方法係？

老虎：扮 friend。無論同小白兔定係大鱷魚；白羚羊定臭屁蟲，通通都要 friend 底。

斑馬：…

老虎：至於第三個方法…

斑馬：係！

老虎：就係喺兩者之間取個平衡！

斑馬：嘩！

說畢，老虎轉身就閃。

良久。

斑馬：嘩！

好廣告含無窮想象力，把毫不關連的事情嶄新地結合起來。

好廣告要有挑戰權威的力量，與胆色。

好廣告能引發受眾的聯想，或者遐想。

好廣告敢於挑戰尺度，並能於尺度邊緣那窄窄的罅隙裡游刃有餘。

好廣告能令蠢人看得一頭霧水；令叻人看得如癡如醉。

好廣告能令蠢人在參透背後意思之後，肅然起… 敬。

好廣告定必引發爭論，誘導思想。

好廣告令人會心微笑，有時會心淫笑。

好廣告大多抵死、盞鬼。

如果日後有人問你乜嘢係好廣告時，這就是模特兒答案：

08.04.08

上個禮拜五晚又唱畸。

兩個好耐：一，好耐冇去咸濕佬嗰間賓州紅唱；二，好耐冇咁人齊。

唔知幾時開始，啲人鍾意去CEO – 貪佢啲歌新啲 (唓！新歌我都唔識唱，我淨係識唱王傑)？抑或貪佢有獨厠 (最好唔好有人劏)？

但自從再上個禮拜五CEO每人四舊之後，大傷元氣，所以今次決定轉戰賓州紅！

同上次一樣，大概兩支黑牌兩打啤，今次每人只係兩百七！嘩，價錢差三分一！

今次畸得好開心，因為15個都係舊低低B人… 真係好耐冇試過約得咁齊。當然仲有好多人未能出席，不過已經算係咁喇！

自從幾年前大家各散東西，好難得可以再一齊玩。所以一開始時大家都仲估緊邊個會放飛機… 好彩到最後冇人估中，因為講咗嚟嘅都有嚟，多謝俾面！

上個禮拜好好玩呀，好開心見返大家！

PS. 老人家成日話：you are old when you stop playing.

喂，你一啲都唔老喎！

一個女人按動門鈴，並說了一句話。但屋內那家人沒有開門。

問：她說了句甚麼話？

第二個女人在門外說了句話，那家人依然沒開門。

問：她又說了甚麼？

如是者… 直至那家人聽到暗號，才高高興興的開門。

問：暗號是甚麼？

1答：腸胃雜呀e家

2答：3bb-ness

3答：我來癡得成

28.03.08

沒話說。

不想浪費你們的時間看我廢話，好文章立即去：

不丹　最快樂的窮國

PS. 這只是網上免費版，因此有些副文連結不通。想要全部文章的話，我有 pdf 檔可以發給你，請在留言版留下電郵 (請註明是朋友)。

世界變。

係人都知。

以前聽歌，聽講要用唱盤。只要把一張黑膠唱片放置轉盤上，再把針輕輕「掂」住唱片，悠揚樂韻就會透過大小喇叭傳到空氣中，多神奇！

而家聽歌，唔用留聲機。一首 Justin Timberlake 化成一堆二進化數字，存於 mp3 檔案裡頭，再透過 iTunes / iPod 送到耳鼓，隨存隨聽，何其方便。

想聽邊支歌，仲使鬼去唱片鋪找上一天半日？iTunes store，Limewire 再加上數不盡的非法網站點對點傳輸，只消十零分鐘，即刻有得聽。

Search for your favorite songs，單撈落硬碟，我以為已經係最很潮的趨勢。點知… 當我發現呢個 web西之後，我個世界變了。

呢個 musicovery 網站，其實係一個互動音樂媒體，網站內存放大量歌曲，種類由 jazz，blues，rock，pop 到 soul，gospel 都有，一共18類。網站最特別之處在於，你並沒有權去 search 喜愛的歌曲，你只能揀選你的心情 – 冇錯，係心情。你當下的心情是 dark 還是 positive？係 energetic 定係 calm？只須於那控制板上一 click，網站就會為你挑選出最合你心情的歌曲，即時收聽。對 R&B 情有獨鍾？你還能於18種歌曲類型裡選擇你的心水。

Musicovery 點賺錢？原來於此網站內，歌曲只能播放，不能單撈。若真的想擁有歌曲，於右手旁的三個超連結：amazon，iTunes store 或 ebay 一按，就能直通這些購物網購買。不過，我就係鍾意佢夠隨意，有驚喜，所以我一首都冇買過。

Musicovery，我推！

20.03.08

經血來潮，不如閏佢一閏。

蛆博客重新啟動，該怎生稱呼好呢？說是回歸… 呢個 term 呀爺都唔用啦！說是回流… 聽起來真有點流。

不如叫回春：趁當下大地回春，床單濕濡之際 – 來一個覆啅，將此博客重新擺上檯！yeah~

突然又已一年，回首，咪又係咁... 唓！

18.03.08

 - The Launch of Hennes & Mauritz (H&M)

來自瑞典的時裝品牌H&M進軍香港，廣告攻勢有如山泥傾瀉。