December 07,2007
搬遷.......
November 12,2007
Week End......
好幾日無打日記喇！
前日（星期六）一早過o左中環睇醫生，下個月又要再睇喇．．．．．幾時先可以唔洗睇呢？因為真係幾貴下．．．．睇完醫生，上o左契媽媽屋企訓o左陣覺！點幾鐘再同契媽媽．兩個契哥哥．契嫂飲茶！去飲茶o既時候岩岩撞正中環中心拍蝙蝠俠，搞到o個條街勁多人．．．．兩點幾飲完茶我地o係附近行o左一陣呀！o係批發舖頭度買o左兩條頸縺（皇冠＋鎖匙＆鎖匙＋鎖）真係好靚，最貴o個條都只係．．．．．$78！哈哈．．．．．
４點鐘左右，我地幾個就出o左旺角買野，我同契嫂就行街，兩個奏哥哥就行模型車舖，各行各路．．．．．我同契嫂買o左兩件衫，我仲買o左對boots！真開心．．．．原先唸住出去契嫂係買NDS筆架，但最後我地去o左抽，仲俾我地兩個抽到小雲同小吉o既NDS筆，真係勁勁勁開心．．．．．！番到屋企就差唔多去點喇，今晚食得好飽飽，因為有好多野食．．．．海鮮餐！太眼訓o既關係，今晚我十點幾就搭車番屋企喇．．．．．．
至於尋日．．．．十點幾起o左身，download下NDS d game就出門口同媽咪去食lunch喇．．．．．都無乜特別！不過去到德福就影o左ｄ相，因為佢用Toy Story etc做裝飾呀！勁靚．．．．．．．之後番屋企悶o左一個下晝，只係打NDS同睇下DVD（睇o左四分一就睇唔到囉）
October 31,2007
繼續唔開心.......
尋晚我唔聽所有人o既意見而同『佢』去o左APM食飯！結果．．．．．原來我心口個勇字已經面對唔到『佢』喇！
尋日o係搭車o既時候，去到官塘有唸過搭番車出旺角，我好怕好怕．．．．好怕見到『佢』，但心裡面又想見到『佢』！完全無奈．．．自己都唔自己想點．初初再見番面我完全唔敢去望『佢』，大家都有嘗試去番之前咁有講有笑！
去到食泰國野，我留意到『佢』手上面好似唔同o左o既一隻介子，心裡面感覺好唔舒服！食完飯只係行o左一陣，『佢』送番我番屋企，o依段短短o既路程，大家講o既說話都有ｄ隱悔，我好記得『佢』一個o既反應，有個朋友打俾我當我拎個電話出o黎o既時候就收o左線，我話：我好唔鍾意ｄ人打o黎又收線咁無品，而『佢』即時o既反應係：等我又試下先！『佢』依個行為令到我覺得『佢』想我唔好再鍾意『佢』，o個個時候我無再俾任何o既反應！
『佢』叫我唔好唔開心，又話我成晚呆呆滯滯o係度亂唸野！『佢』問我仲乜咁，我只可以答好多野令到我咁o既，『佢』叫我講出o黎『佢』知，但我只係話轉頭話『佢』知，而我依個轉頭o既定義係．．．．SMS！
番到屋企，我sendo左以下依段野俾『佢』：
其實我點解會唔開心你無理由唔知，兩個原因啦，頸先搭車o既時候我想唔過o黎！我覺得自己已經好叻，扮無野忍喊忍咁耐！頭先行上o黎o既時候我話最唔鍾意ｄ人咁無品打黎又收線，你個反應幾快呀：等我試下先！我唔知自己再應唔應該同你出o黎，今次我同你食飯已經俾好多唔同o既人鬧我，我無理佢地而照出o黎！估唔到見到你個心真係好唔舒服，再留意到你手上面．．．．結果我好傻咁忍o左成晚！我真係唔鍾意講大話架．．．只係有ｄ人唔信！我由頭到尾講o既野都係真．．．勇氣已經無晒喇！而我得到o既答覆，只係換o黎無答覆！多謝你陪我食依餐飯！
我估唔到『佢』會覆我一段都幾長o既msg：
我覺得你好似繳o左咁，同以前有ｄ唔同，唔知係咪我少見o左你！但我好想之後都會見到你，我好想你好似之前咁樣，同你有講有笑o個個階段！但係人要向前望，我都希望見到你o既時候係開心！有時候旁邊可能會有好多聲音同意見，你只要堅持自己，就算結果係唔如意，但最後起碼你自己都安心先啦！
最後我同『佢』一段o既對話：
我係變o左．．．唔再係開開心心o既Ada！你可以扮若無其事，但我做唔到．．．．經過今晚我已經唔敢再面對你！我知人係要向前望，我有！只不過我係一個拎得起放唔低o既人！頭先有唸過同你傾計，總好過文字上o既溝通，但我開唔到口！其實你唔講我都知．．．不過要我對住鍾意o既人當無野就真係唔得．．．感覺真係．．．．你成日話耐無見，其實只係半個多月無見！而上次係兩個月無見．．．
『佢』無再覆我喇！尋晚番到屋企喊o左成晚，直至同一個朋友傾o左陣，連佢份人咁衰都覺得『佢』係一個衰人賤人，我先開始識得唔再開水喉！
結果．．．今朝勁眼訓！而經過開o左一晚水喉之後，對眼明顯變得．．．．．而今朝我不斷地o係度聽埋同一首歌：斷絕來往合唱版．．．希望經過尋晚可以真真正正下決心去同『佢』斷絕來往啦．．．．講真，我好耐無試過開水喉開得咁密．．．．
October 30,2007
勁唔開心......
前晚o係自己最唔開心o既時候．．．．sendo左個SMS俾『佢』，我知道自己應該要決絕ｄ，唔應該再搵『佢』，但原來o係我最唔開心o既時候，第一個就會唸起『佢』而send個message俾『佢』話『佢』知我唔開心！我同『佢』講我好掛住Baby，原來我到依家都未放得低，而眼淚亦不斷地流出o黎！
八點左右，因為喊完一場就走o左去訓覺，九點幾俾電話噪醒o左！見到電話有message，原來係『佢』覆我．．．．『佢』叫我“你唔好咁啦！我過兩日陪你好唔好？”我睇完之後個感覺唔知點咁，我好自然咁覆『佢』電聯，而大家亦都無再講任何野喇！
之後又再唸起好多好唔開心o既野，打俾個朋友傾o左陣！又大喊o左一場．．．．．搞到尋日話我一隻眼大一隻眼細！
尋日o係公司可算係最忙o既一日，而亦都唔係咁開心！用o左一朝早做o既野，一個下晝同我講話想淨係出poster，搞到我朝早做o既野要重新整過，而放野上網又因為我跟叫我做o個個人去做，搞到做錯野．．．雖然無人話我做錯野，但係個心就好唔舒服，自己直屬上司又唔會去理我！變o左我依家都唔似admin teamo既人．．．因為咁我煩到令外兩個中心o既同事，搞到我勁唔好意思！
尋晚番o左學之後，番到屋企用電話開o左個六人會議！就係傾下今晚去邊到玩，不過吹水吹到點幾鐘先俾收線，搞到我今日真係好眼訓囉！
而前晚『佢』所講o既過兩日陪我，照道理就係今日，不過『佢』無再搵我喇！『佢』都係玩野多．．．．算啦，預o左！其實我真係唔知『佢』依家唸乜，我俾個msg林小姐睇，佢覺得個msg好曖昧！其實自從『佢』生日約我出去o個個SMS開始，到『佢』今次依個msg，唔知點解俾我個感覺『佢』同女朋友散o左，我知我依個唸法有ｄ自我安慰！但係『佢』以前都唔會係咁，一係『佢』又想再吊住我，一係『佢』想一腳踏兩船，一係我就係我地唸多晒！事實係點，無人會知，就只有『佢』自己先知．．．．
今晚節目內容，待續．．．．．
October 29,2007
唔開心。。。一直掛念
依幾日心情都一般！
而依幾日開始唔明ｄ人唸乜野，點解要做ｄ野出o黎令到幾個人唔開心呢？講真，我真係唔想因為依個人而令到我身邊o既好朋友唔開心！搞到大家面阻阻我又唔想，但心裡面又真係唔想依兩位好朋友因為某某而唔開心，究竟我可以點做？
ＴＯ：Ｊ先生
知道你屋企有事發生，你o既壓力亦都自然大o左，所以唔好再為o左某個人而煩惱喇！多ｄ同屋企人傾計，開解下你媽媽，ｄ無謂野．無謂人就唔好唸咁多喇．．．我同"媽媽"都會o係身邊支持你架，因為你係我地o既好朋友！
ＴＯ："媽媽"
你亦都唔好唔開心啦，有ｄ野未必一定關你事架，係某ｄ人自己攞o黎！我想見番開開心心o既媽媽呀．．．．．
我當你兩個係我好朋友，唔想見到你地兩個都唔開心！
前晚做o左一個好傻．好犯賤o既行為！我sento左個SMS俾『佢』，約『佢』食番餐生日飯．．．點解無啦啦會咁做呢？可能我真係覺得之前咁對『佢』好衰，雖然個個都話我做得岩，但係我個心o個兩日真係好唔開心！好後悔用咁差o既語氣同佢講野．．．『佢』一直都無回覆我，直到今朝開我想幾時之後亦都無再回覆我喇！
2006年10月31日上午八點十八分，收到電話話Baby半個鐘前已經走o左，話咁快佢就o黎離開o左我一年，今日放工去拎番佢Ｄ骨灰番o黎屋企！因為唔想再俾成千幾蚊搵個地方放佢，既然媽咪肯就拎番屋企，放o係屋企度，等佢可以永遠咁陪住我地，而且又可以日日見到佢，如果放o係善終公司Ｄ靈位度，我又無乜幾可上去，只係得個放字！我真係好掛住Baby呀。。。。好記得佢走o個日原本唸住下晝拎Ｄ藥去SPCA，但Baby無等我就走o左！下晝o既時候，『佢』仲陪我去SPCA拎番Baby，之後仲行番去銅鑼灣間Starbucks飲野。。。咁就一年喇！
我真係好想時間可以倒流，真係好想再見番Baby呀！
事隔一年，仍然掛念！未能把你忘記，只能把你放在心中，真的很想再見你一面，但已經沒有這個可能了！因為掛念。眼淚再為你而流。。。
October 23,2007
發神經。。。
依幾日有個好傻o既唸法，假如我有ｄ咩野事咁點算呢？
首先，講清楚我無事，放心！我只不過依排搭車o既時候，突然間o係度唸如果搭車時遇到ｄ乜野事，會通知咩野人呢？唔知點解除o左自己o既親人之外，我唸起『佢』，做o左一個好傻o既唸法．．．我頭先居然突然間問我一位好朋友，如果我有咩野事會唔會通知『佢』！我位好朋友話唔會，亦都問我係咪想話『佢』知？其實我自己都唔知，人地可能只不過當我係一位好普通o既朋友，就算我有ｄ乜野事『佢』都唔會有咩野特別，可能想講『佢』知係想睇下『佢』o既反應啦．．．（發神經中）
今朝我send SMS俾『佢』話我公司有兩間公司俾我地選擇去做MPF，但我唔識點分配，『佢』叫我fax俾佢睇再幫我唸，之後『佢』話打俾我教我點填！今次電話裡面o既感覺好怪，雖然『佢』仍然都keep住串我，但大家都好似已經去唔番之前咁，好似大家中間有野擋住o左，尷尷尬尬咁！所以一講完MPF就好快咁收線喇．．．send番thanks俾佢亦都無再覆我喇！
今日o係公司同個朋友傾開msn，講起我同『佢』o既事！個朋友講得好岩，我要做“大女仔”唔可以再俾任何男人傷害自己o既心．．．我要堅強，唔可以俾『佢』睇死！我一定要狠心ｄ，要做到真真正正o既斷絕來往．．．．
不過，我知道自己o既性格，成日都衰心軟．．．！而每次當我有少少可以放低o既時候，總會有ｄ野發生，點解要咁呢？明明今次我可以做到絕來絕往架，點解到頭來都係衰心軟呢？我真係唔想再俾依個人令到自己唔開心呀！
對感情依家野，我已經完完全全無晒信心！真係好害怕再受到任何傷害，完全唔敢再去鍾意人喇．．．．究竟我幾時先可以放低『佢』呢？一個月？半年？定話一年？我自己都唔知道！
October 20,2007
心情真的好差。。。。
又好幾日無打日記喇．．．
番o左新工已經有三日喇，但係o係依度感覺好好，雖然好少人但係個個同事都好好！第一日番工尖沙咀位同事就帶我地行晒四個教學中心，真係有Ｄ累呀。。。第二日番工就落o左四樓counter坐同學野，四點幾番番上廿二樓自己個位做野！
星期四放工仲約o左Terry同高心心一齊食飯，哈哈。。。真係好開心架！食完飯仲同高心心落o左廟街玩塔羅牌，雖然聽o既時候不斷o係度笑，但係其實心裡面真係好唔開心！佢話我身邊o既男性朋友都唔會係my cup of tea，就算岩自己o既都會係有女朋友既，仲話我鍾意搶人野！其實身邊鍾意o既都係得『佢』一個有女朋友之麻。。。不過依Ｄ一個就夠喇，到頭來咪又係會令自己唔開心！夜晚仲發神經勁o係度聽斷絕來往，終於又喊o左出o黎。。。
至於尋日紅日去o左邊呢。。。就係入o左山長水又遠o既元朗燒野食！出席人士有：媽媽一家四口．Jason．Suki．Jay．Shirley*2，仲有林小姐，都玩得幾開心架！最後一位好朋友仲過o左o黎搵我傾o左陣計，佢真係唔同o左好多，成熟o左，唔似之前咁小朋友！最後仲車番我同我Ｄ同學出大欖轉車，不過期間其實我個心都唔係太舒服，係佢唔認我地拍過拖，而唔係我呀！今晚令我唸番好多野，覺得之前俾佢玩弄感情。。。不過算啦，都過o左咁耐！
不過o係2007年10月19日凌晨4:31收到一個SMS（我尋日朝起身見到），一個睇完又令我喊o左出o黎o既一個message：你聽日洗唔洗番工呀？我想見下你同你隻狗！究竟你想點喎？最後我送o左首斷絕來往合唱版俾佢，仲要俾人話我唔洗咁呀！最搞笑人地話見耐無見想見下我，所以利用coffee喎。。仲要話我唸佢其實想見coffee！不過當我搭番車番官塘o既時候，突然唸起其實佢今日生日呀！我會唔會做得太過份呢？不過可能佢已經嬲o左我喇！十一點幾send SMS講生日快樂，佢都無再reply我喇。。。
WKC，你唔好再玩我啦，你可唔可以理下我感受呀？你明知我鍾意你，仲要我當無事發生咁去見你，我個心真係唔好受架！我都好想見到你，但係我怕我會更加放唔低呀！而且我更怕見到你我會忍唔住喊出o黎呀。。。當面見唔到你講生日快樂，唯有o係度同你講聲：生日快樂，希望你永遠開開心心，快快樂樂，幸福快樂！好多謝你o係我最需要人支持o既時候支持我。。。以下句歌詞送俾你架。。。
女：沒法可配合 共你一對 不應該記掛著誰
不想故意成敵對 但再伴隨 恐怕沒法別去
男：別這種態度 極至乾脆 約見面藉口諸多 說要推
如果不想再面對 慘遭負累
我已經無晒我可付出o既勇氣喇。。。
October 10,2007
十萬個唔開心，決定放棄喇！
今日係一日好唔開心o既日子！
我放棄喇。。。我真係唔想自己唔開心落去，我真係好辛苦呀！尋晚發神經sendo左個SMS俾『佢』，話o左俾佢知我對住佢真係好辛苦，我寧願『佢』唔再理我，總好過『佢』尋日一個MSN而令到我喊出o黎！我亦無唸過『佢』會今日覆我msg，但因為『佢』依個msg搞到我o係counter喊o左出o黎，『佢』只係同我講『佢』唔想咁，但係真係唔想無o左我依個朋友，希望好似以前咁樣，仲要話我搞到『佢』唔知點算好！咁即係係我o既錯啦？
不過係我自己蠢，明知『佢』有女朋友就唔應該鍾意『佢』！係我自己抵死，自己搵o黎唔開心。。。o係我決定之後，我決定send番個msg俾『佢』，同『佢』講o左句對唔住，之前我都好想好似之前咁，但我真係做唔到呀！不如就咁算啦。。。『佢』令到我o既情緒真係好波動，仲因為『佢』依個msg喊o左出o黎，完全控制唔到Ｄ眼淚流出o黎呀！依個傷害真係好痛，我寧願『佢』恨恨地同我講『佢』係唔會鍾意我，我唸咁樣會痛得無咁耐，其實真係長痛不如短痛！
今次『佢』到依家都無再覆我喇！
高心心講得岩，我唔應該再俾『佢』吊住！咁樣只會令自己痛苦。。。
我相信今日之後我同『佢』已經唔會再係朋友，我要當無識過依個人！因為我真係唔想做衰人，只有咁樣，依段咁唔知點o既關係先會結束！
今晚都總算開心番Ｄ，因為多謝出前一丁陪我食飯，我地去o左又一城，食完飯行o左一陣，佢就車我番屋企喇！真係幾唔好意思下，因為又搞到佢差Ｄ行錯路。。。ＳＯＲＲＹ呀！
