上星期係老太舊曆生日﹐如果唔係見到檯上有利是﹐我地係無人醒起﹐單聲比細佬聽時﹐佢拿拿聲去撲0左個生日餅﹐細佬話去到TERESA 經已半拉閘熄晒燈想走﹐都比佢拓番起搪閘。

到切餅時﹐我地個個顧住分餅仔﹐老太突然同豆豆耳語﹐然後豆豆笑到眼水標﹐我同細佬見勢色唔對即刻將件餅放番落個餅盒度

原來

我地未講“生日快樂”

老太話我地個個顧住食唔記得講生日快樂

玩野下麻﹐得

呢幾日﹐我地一見到老太就叫佢“生日快樂”

今日係老太新曆生日

生日快樂﹐身體健康

需然好多人都選擇提早拜山﹐但係我地屋企就一定揀正日﹐入到屯門見到人山人海﹐我地好有組織0甘行動﹐D人就有理無理好似玩RUGBY SEVEN橫衝直撞﹐要顧住一袋二袋祭品時﹐又要顧住老太﹐又要防比D香插眼﹐又要避一批批開家庭聚會0既群眾﹐又要避D無性0既豆釘﹐比著平時0既我﹐見到人群﹐我一定發脾4﹐稔起大家難得一年可能得春秋二祭先有機會一家人聚聚﹐我又骨聲忍0左佢﹐拿拿聲搞惦護送老太離開﹐到我地出門口0既時候﹐豆豆講0左句“合作愉快”

大家0甘話

準備就寢時﹐聽到老太大叫Andrea﹐即刻出廳開電視﹐明珠剛開始播Andrea 新碟的露天演唱會﹐很興奮﹐可惜很多合唱者都沒有出席﹐但可觀性一樣的高﹐明珠臺很多時都能追貼音樂潮流﹐BEE G﹐KENNY G來港開CONCERT前﹐明珠便有演唱會特輯

[圖片轉載自]
http://www.pbs.org/wnet/gperf/shows/amore/index.html

愛逛家用小品部的我﹐近期愛上溜漣JUSCO $10店﹐老太需要兩個FOLDER放筆記﹐加上晚飯時間未到﹐樂得往$10店逛逛﹐只要有心機﹐不難發覺有不少好東西﹐隨了兩個指定FOLDER外﹐還買了一大堆玩具給兩個助養女兒﹐另外給我發現早前在ASAP買的爬繩木偶﹐在ASAP買時每個要過$100﹐一口氣買下三大個。要不然收到電話催促﹐我還想逛下去。

沈陽老倆口 宣傳北京2008奧運, 走遍全國 - 在香港2006年四月二日下午三時十一分跟我們相遇﹐老太興奮得跳車追車﹐我開心得奉獻了手上剛買的美味包包﹐老太還跟他倆閑談數句﹐給他們點盤川﹐讓倆老開心地繼續上路。

3月28日
老表Heman做0左爸爸
細佬Chamberlain做0左表伯
而我LuLu就左0左人地- 表姑媽
大家都早0左兩個幾月升級

呢隻B都幾識揀時間出世﹐Daddy Mami 結婚週年翌日加太嫲嫲同日生日﹐以後一定會萬千寵愛在一身

Hello, Nicole

近日朋友們都為自身問題向我傾訴﹐一方面令我感動係朋友唔只係想去玩時會想起我﹐原來唔開心0既時候都會想起我﹐旁觀者清﹐係某些問題上我可以答上嘴﹐一個win/win situation。但係某些幫唔到忙0既問題就令我有點兒無助﹐我好想幫﹐但係幫唔到﹐因為我唔識幫﹐唔知點幫﹐雙方都好無助﹐唯一我可以做0既就係聆聽﹐借對耳﹐借個心﹐夠唔夠﹖我知唔夠but thats all I can do, please forgive me.

每次路過都比鋪外面大量廣告吸引﹐腦裡記底許多美味小菜﹐脆皮牛腩﹐龍蝦荷葉飯﹐杏汁豬肺湯﹐蘇格蘭聖子皇﹐大蝦兩食﹐辣酒花螺。。。今日一坐低就﹑好清晰知道自己今日食咩﹐人口單薄﹐慾望太高﹐好多野都食唔到﹐3個人6個菜﹐有D跨。侍應哥哥一句“做埋聽日咋”﹐個心一沉﹐一不做二不休﹐叫多兩個小菜帶走。

火朣翅跟阿詩瑪同一集團﹐論味道﹐阿詩瑪真係一D都拍唔上﹐希望火朣翅快D揾到新鋪﹐延續美味。