三十歲, 一個男人到咗咁嘅年紀, 事業上應該多少都有啲成績，好命嘅話，可能連爸爸都做埋。

不過，世事往往都唔會咁理所當然，三十歲嘅我，事業......唉! 唔好提! 感情......近乎空白! 連真真正正寫日記都係第一次!

表面上，我好失敗! 但係唔緊要! 因為我心中嘅火冇熄到。近來，我終於搞清楚自己想要啲乜，我一定會好努力追番晒我失去嘅嘢! 一定可以!

有時，我會覺得上天用三十年時間去磨練一個人，一定有佢嘅用意! 呢種感覺近來一直喺我嘅心中湧現，而且越來越強，越來越清晰，時機就到嘞!

第一次學人寫日記，好混亂! 不過，唔混亂過又點會成功呢?!