昨晚一打開房間個櫃, 發現一SET CI BOY FIGURE, 個下我呆一呆, 之後就忍唔住偷笑左出離…我覺得好開心&幸福呀!!

雖然依份只不過係一份小禮物, 但都足以令我好快樂了!! 開心唔只係因為CI BOY , 而係因為傻佬的細心&想令我快樂的心…好高興有你係我身邊..謝謝你!!

傻佬好細心, 因為之前試過買野俾我, 收起佢, 諗住等我自己發現, 點知我一直都發現唔到, SUPER傻; 所以你今次好醒咁係個櫃內, 知我第一時間一定係O係個櫃內GET卸妝水..咁我就一定會發現喇…

另外, 你個傻佬知道日日都見到我, 無時間BUY野俾我, 所以係你打波的日子買, 攪到食野的時候都無, 你好傻呀…不過我鍾意喎…呵呵呵呵!!

好野我終於找到一個會俾驚喜我的男人喇..以前都只會係我買小禮物, 原來有人哄下自己係好開心嫁!!

P.S. 請一直都好好對我呀…嘿嘿嘿….

不知不覺間同傻佬過左差唔多一個星期o的二人世界了...真好, 又sweet, 又幸福...

依排煮o左好多日dinner俾傻佬食, ok啦...(我自己覺得), 還有好大的進步空間...加油加油!! 哈哈...我都好有潛能做一個好太太, 呵呵 ....

o係傻佬的身邊耐o左, 覺得佢都係好似以前一樣咁錫我, 照顧我...你話嫁...一世都係咁對我....我煮o的o野你要食一世嫁...唔俾講過唔算數嫁... 如果唔係毒死你...嘿嘿嘿嘿.. 

生日過後一直都未得閒update...真係busy呀!!

哈哈...傻佬有送生日禮物俾我呀...係一份我想要o左好耐好耐而且好難再可以找到的o野呀...依物禮物我好好好好鍾意嫁...好多年前已經好想買..諗住第時放係自己的家內...不過估唔到..o係4-5年前已經停o左生產..而且好多年都無見過...哈哈...估唔倒同佢一起的時候可以再遇見..唔通依d真係天意...唔通我地真係註定的一對?? 呵呵 不過我知道一d都唔平...多謝你..又要你大出血喇...

不過依幾日我都用o左好多$..又buy依樣...又buy o個樣..不過buy野俾你係一件好幸福&開心的事呀...我好喜歡buy clothers俾你...你真係好有型呀...哈哈...不過一定要係剪o左頭髮的你..嘿嘿嘿嘿..

有你o係身邊好開心嫁....好鍾意o係你身邊的感覺...覺得你好錫同珍惜我...而且時時刻刻都有好sweet的感覺...唔通我地真係註定的一對..你真係我老公?? 近排我都會不時諗我老公真係你? 好奇怪的感覺呀....

昨天過o左生日了, 昨天&今天都係無心機, down down地 ..

昨天放工後就去回合傻佬, 佢真係無buy禮物俾我呀...算啦...一早就知...鬼叫好難買o野俾我咩...佢話要我選擇禮物...但結果都係無心水...太貴又唔想佢花太多$...平d的o野又無話特別鍾意 ...算啦...唉...

之後就去食日本o野, 幾好食呀...不過都係無咩心機...又落雨, 個人就更加down喇...............

跟住就返屋企喇...今日咁就過o左我個生日...下次如果可以的話...生日都唔係好想返工...

返到屋企, 同傻佬講電話, 但心情非常差...結果就係唔係咁開心的情況下收線...早d收線, 費事更加唔開心...費事發脾氣啦...(我唔開心係因為我覺得佢唔緊張我生日..定係..根本我自己唔舒服所以心情唔好呢...我係唔係誤會o左佢呢?)

算數啦..唔諗喇...唔開心係事實..咩原因已經唔重要了...快d無咁唔舒服...精神返就好喇...

傻佬我知道你唔重視自己生日...因為你覺得年年都有...但我好重視嫁...因為一年先得一日係生日呀..所以我同樣重視你的生日嫁...

p.s. 各位記得我生日的朋友...謝謝你地的sms, msn, 來電呀

14th Jun同傻佬下午lunch後就上o左山頂, 對上上去都3-4年前的事了...山頂多o左少少o野啦, 不過都係無咩特別o野..上到去book o左位就行o下商場, 行o下爉像館..

行完時間都好早, 我對腳又累又痛, 所以就坐o下休息o下...咁就過o左個好遊閒的下午...到o左7:30p.m.就去食dinner了...叫o左好多o野食 (不過傻佬話唔多喎)..好full...雖然成千幾蚊...不過有傻佬係度就咩都抵晒..之後送2nd birthday gift俾傻佬...哈哈...我知佢一定無諗過有2份gift...係唔係好開心先..我自己就好開心喇...因為見度你開心呀!!

之後就返屋企兩個人過o左甜甜蜜蜜的晚上喇..呵呵呵呵.. 如果成日都咁sweet就好喇 (雖然我地見親面都好sweet ) ..

攪完傻佬的生日..今日就到我生日喇...

不過今日無咩心機咁..個人好累...有d唔舒服咁...不過無所為啦...快d放工見度傻佬就得喇...我知道你為o左我今日好急咁完成手頭上的工作...謝謝你呀...

一年一度的生日大日子又就快到喇!!

今日原本傻佬諗住快d做完o野放工趕去買生日禮物俾我, 但係因為太多o野做所已買唔度...之後就話等上山頂的時候睇o下有咩o野我鍾意就買俾我...我就講笑咁話我鍾意的o野好貴o個喎...傻佬就講o左一句令我覺得好sweet的說話..

佢話: 你想要咩, 我能力範圍買到的o野都會買俾你

就係一句簡單的說話就睇得出你有幾重視我..

可能人大o左, 一向都唔係好重視人地送唔送禮物俾我, 而且我知道自己一向都無咩特別想要的o野...相反我鍾意送禮物俾人多d 傻佬希望你鍾意我送俾你的禮物啦!!

另外...傻佬, 能夠遇到你真係太好了

p.s. 唔好無心機啦...明天見到我..你就會開心好多嫁喇...呵呵

近排都唔知咩事, 成日都同傻佬攪得唔係咁開心 ..見度面的時後就咩事都無...見唔度的時候就怪怪的....

佢又會同你講佢有咩唔鍾意, 唔想你講d咩, 做d咩咁... 係我唔了解佢, 定係我無謂呢? 好多時好似自尋煩惱咁, 令自己唔開心, 佢又唔開心...人地都話唔見....講o左原因妳知嫁啦....又唔係唔緊妳..都唔明點解自己都係唔開心...覺得佢唔緊自己...正低能妹..

真係好無謂...好不知所為...都唔知自己想點...唔通要人地時時刻刻哄妳咩...唔通唔見妳就唔緊妳咩...咁大個人...好心就唔好咁細佬女啦...

一見唔度就為d少事唔開心...覺得人地唔緊自己...人地平時點對妳呀...諗o下啦...食飽無o野做呀...為o左人地的少少o野就唔開心...咁以後點過呀...

你都唔係第一次咁嫁啦...反省o下啦...又唔想俾人知自己緊張佢...想見佢...又要偏偏講反話...你諗o下自己幾咁無聊啦...又怕佢知道自己緊張, 又想人地錫晒自己....講囉...講咩悔氣說話...妳真係好低b呀....

明知自己有依個無聊病就唔好同人地msn & 講電話啦...自己知自己事...一講就大件事...自己無聊唔開心未算囉...攪倒人喇..係未衰呢....又要人地哄返你...明知自己唔講唔提...瞓一覺就無事就唔好癲啦...

真係覺得自己好多餘....放鬆d啦....做人唔好去咁盡, 做咩都做8分好喇...咁自己先唔會咁緊張, 睇o野先可以客觀d...

今早從傻佬口中得知佢之前一d經歷, 雖然聽落唔係一件咁好的事, 不過依d係佢的過去, 都唔到我介意.. ...雖然知道o左有少少唔開心, 不過諗深一層, 佢都無錯, 更加唔關我依d"外人"的事....聽完, 只不過有少少失望, 男人係唔係都係咁的呢? (希望依種唔舒服的感覺快d消失啦...)

不過, 最唔開心係o個件事令佢一個好友誤會了, 令到多年的友情多o左d空隙...傻佬又話有d o野唔可能清楚解釋, 而且佢係男人, 有d o野係應該由佢一個人承擔的....(咁真係好咩??) 

不過我自己就覺得好可惜了, 我相信無o野係解決唔度的, 咁多年的感情, 就咁無o左好可惜, 好唔值, 真係無得好返咩? 無方法無事嗎?

我今日成日都係度諗依個問題, 朋友對我好重要, 無o左會唔開心, 有問題, 我一定會用盡力解決...聽度傻佬話覺得可惜, 個心唔係好舒服....比起知道佢的經歷更加唔開心....

而且我咩都做唔度...又幫唔度佢地....鬼叫我只不過係一個局外人...好無奈.... .... 真係好希望佢地兩個可以將心結解開, 大家能夠成為朋友係一種緣份, 要好好珍惜呀 ...

To all my friends: 我好掛住你地呀...大家好嗎?? 我exam完會找你地嫁喇...等我呀...

p.s. 傻佬...雖然知道o左唔係咁開心...不過都多謝你同我講