一連7日既日本旅程完結了，好好玩，但好攰，可能因為無跟團自遊行既關係，所以除左搭JR外，其餘時間都係行居多，行到對腳到而家都仲好攰，不過今次去到之前想去但又去唔到既地方，好開心；未去之前仲好擔心唔知響果邊自遊行應唔應付得黎，最大既障礙係語言問題，但經過今次後，又覺得此問題不大，總括黎講，日本自遊行較好玩：D

第一天(1月6日)

今日要五點鐘起身，好眼訓^z_^z﹐整理及執拾埋其餘細軟就要冒著寒冷既天氣(唔知點解今日特別凍)搭機場巴士，一上巴士無耐就已經呼呼入睡了，到達機場大約七點鐘左右，今次比我預期的早到，可惜ANA個櫃位還未開，唯有拖著行李喼四處逛逛直到職員開工為止，將行李寄倉後，例牌去M記食早餐，由於太早既關係所以無乜胃口食野，叫左個全餐同FD SHARE，之後再行多一陣，就預備入閘上機，諗住上到飛機可以玩下GAME啦，點知依部機無GAME供應，真可惜，經過接近五個鐘頭既機程，終於到達東京，當地時間大約三點鐘，另外仲要搭大概兩個鐘頭既機場巴先返到酒店，期間仲要塞成差不多一個鐘頭既車，返到池袋既酒店已經六點，CHECK IN後返上房放底行李後再休息一陣就出去啦，東京一月份既天氣真係頗凍架，對於我依D咁怕凍既人黎講真係好慘，所以即刻著齊裝備(頸巾、冷帽、手套)所有禦寒衣物都著晒上身，首先我地響池袋一條橫町既一間迴轉壽司舖食野(因為唔識日文…HEHE)，之後再去新宿既歌舞妓町，一路上都有好多人派傳單比我地，不過由於唔識日文既關係所以無理佢地，未去歌舞妓町之前都好期待去見識一下，但去過之後，覺得都無乜特別，所有橫街窄巷都是居酒屋、食店，最見得多就係機舖，所以行左一陣就決定返番酒店早D休息，聽日再繼續。

因為要準備一連7日既旅程，所以今日好忙好忙，公司各大小事務都盡量完成埋佢，免得影響其他同事既工作進度，所以今日都晏左走，始終完成埋佢去玩都去得安心D，好啦，仲要執拾行李呀，朋友仔們，遲D再見吧!!

禽晚同屋企人出咗街食晚飯，有我最鐘意食既椒鹽瀨尿蝦、薑蔥炒蟹、炸蠔餅等等，不過由於禽日好晏先食午飯既關係，到左八點幾都唔覺得好肚餓，雖然美食當前，但食得唔多，我地六個人叫左六個餸，不過都係食唔晒，埋數都係二百多元，今餐我請客。

食完飯後，我同朋友一齊去左沙田，原本另一個fd話不如出尖沙咀，不過我知道實會好多人，所以提議去沙田，到左沙田，估唔到都好多人，無論響"新城市"仰或大會堂，都一樣人山人海，之前聽公司d同事講話沙田公園今年d燈飾好靚，所以過左去睇下，嘩...真係好靚呀，尤其條"瀝源橋"呀，藍色好靚架，同水中既倒影相襯真係好正呀，真係仲靚過"彩虹橋"可惜我地無帶相機啦，其他燈飾都好靚架，今年係狗年，所以特別造左好多狗仔既燈飾，真係好得意呀，仲有一個水池裡面，有著左燈既荷花，好多人爭住響果度影相呀，除左有燈飾睇外，仲有好幾個慶祝元旦既嘉年華，我地選擇去"星座小王子"既嘉年華，因為有星座運程聽嘛...hehe...到左最緊張既倒數環節，所有人一齊倒數迎接2006年，當秒錶跳到"0"時，煙花隨即發射，果刻感覺真係好正呀，真係好難忘呀。 新既一年開始，祝所有朋友仔身體健康、心想事成!! ＨAＰPＹ　NＥW　ＹEＡR！！ 

由於連續放幾日假既關係，D文件堆到好多好多，依兩日都係咁做到無停手，再加埋唔知佢地係咪驚我遲D放大假，怕D文件野無人整，所以係咁PASS D文件比我整，不過好彩今日終於都算清咁D啦，可以鬆一口氣。

頭先行返黎屋企果段路，見到一隻"聖斑納"，雖然佢身形龐大，但佢好瘦呀，我見佢有頸圈，應該有人養，唔知係咪走失左，四肢睇黎都無力咁，見到佢仲要比途人驅趕，好可憐呀，希望佢快快可以搵返佢主人啦。

雖然今日係假期，但都早咗起身陪呀爸去飲茶，原本諗住飲完茶去整一整d頭髮既，但因為傾下傾下傾到過晒時間，怕唔夠時間整，所以都係決定聽日先去整，飲完茶我地去左西貢，可能假期既關係啦，好多人都楂車出黎，所以搵車位都搵左好耐，行左一陣之後再去馬鞍山行，諗住應該都買到d野既，但都係無咩睇啱，反而呀爸就滿載而歸，仲好似未買夠咁，週圍去睇其他野，之後去左食雲南米線，唔....最鐘意食火腿粟米米線，好味...食完野行多一陣就去左新城市睇"哈利波特"，雖然已經睇九點幾場，但仍然全場爆滿呀，如果唔係禽日預早響網上購票，我諗去到先買的話一定買唔到呀，唔...睇後感係覺得片尾好似交待得唔太清楚，笑位就無上集咁多，唔知係咪因為佢地大個左好多既關係呢?! 不過就多左一份恐佈感!!

今日係公司既christmas party，雖然個party要中午先開始，但早上已經無咩心機做野，成個上晝都無無聊行黎行去等運到...哈...終於到等到開始既時間啦，首先當然係d最高領導人開香賓同切乳豬，而我地就成企埋一邊睇，由於人多地方細既關係，所以大家都企得好親密，一到老闆等各人發表完後，全部人都一窩蜂湧去放食物位狂夾野食，而我唔想同佢地爭既關係，只好等佢地夾完無咁多人先出去夾，今年係我響依間公司過既第一個聖誕，整體黎講都ok既。

我D無記性又黎啦，放工返到屋企先發覺無帶鎖匙，開頭以為自己換左新袋，唔知擺左落邊一隔度，但不斷係咁摷摷摷都係摷唔到，先至相信自己又唔記得帶鎖匙，真無用呀....唉...屋企人仲要成八點幾先返到黎，諗住返番去公司度邊OT邊等，即刻打返公司睇下個衰經理仲響唔響度啦，好彩有接電話仲未走，不過佢話都差唔多走喎，耶.....平時佢好夜先走架嘛，今日又會咁早就走架，佢問我咩事，我話無呀，想返黎開下OT咋嘛，佢聽完都覺好奇怪，不過我無同佢解釋太多就收線，之後醒起可以去圖書館，就係咁，響圖書館坐到八點鐘佢關門就走啦，時間都啱啱好，仲可以同埋屋企人食埋飯先返屋企，HEHE....放工仲去圖書館睇書，仲睇咁耐添，真係勤力同好充實呢.....

> 不知道大家有沒有買過六合彩
> 這是一種很有趣的玩意
> 四十九個號碼
> 如果你買中了其中六個
> 那你便會成為頭獎的得主
> 看似很簡單
> 但其實中獎的機會低得很
> 因為六合彩的中獎組合
> 共有一千三百九十八萬三千一百一十六個
> 我就試過，半個字也中不到
>
> 如果將六合彩變成「理想情人組合遊戲」
> 四十九個號碼變成四十九種擇偶條件
> 而每人可以組合六款作為自己的理想對象
> 再跟自己的情人比較一下
> 符合了一個條件，我們應該慶幸
> 符合了三個條件，我們應該酬謝神恩
> 全中了，那是個奇蹟～～～
> 人海中
> 當然不止有一千三百九十八萬三千一百一十六個組合
> 能夠遇到一個十全十美、稱心滿意的人
> 固然是一件人間美事
> 但遇到一個只是稍有不足的
> 亦屬難得
> 好好欣賞自己身邊的那個人
> 因為你們能夠相遇相戀
> 已經很不平凡
> 其實人的性格又何止有四十九種
> 一個人的性格可能比一組六個字的六合彩還要複雜

>
要找到一個真真正正符合自己要求的理想情人可不是一件易事
>
> 就算給你找到了
> 你亦未必是他心目中的理想
> 當然
> 你有權利不斷尋覓那個理想中的情人
> 但不知滿足
> 不懂欣賞自己身邊的
> 將永遠沉淪在尋尋覓覓之中
> 還有一個有趣的發現：
> 理想對象的條件
> 有些人會不停的改變
> 有些人則一直堅持同樣的條件
> 就像買六合彩一樣
> 有人每次都買不同數字
> 有人就長買相同的
> 如果你真的能夠六個字全中
> 我極度強烈建議你不妨在街上大叫一聲：
> 天呀！我中獎了～～～～
> 啊...難啊...
> 一個人中六合彩己經是那麼難了...
> 何況是兩個人同時中同一注六合彩?