又到左沉悶ge星期6.....

早上同小濤去麥記食左早餐..係差唔多遲到之前都趕到返公司@@

一坐低就係pps搵下有冇戲好睇...諗住睇左個套好恐怖ge戲(切手切腳個d),唔得..睇左幾分鐘.....決定唔睇.=.=

睇左拳霸..係咁打呀打呀=.=睇到lunch都未睇完,,,,,,

1點左右..食完飯.....有人話10樓ck開倉...我同許小姐, 小may一齊落左去........d人買野買到好似d野唔使錢咁=.=由其係d男裝內褲...男ge又搶,女ge又搶....

行下行下....我同小may成4點先返到office...=.=累死左=.=...

咁就一日.....返工去左shopping...=.=點估到估唔到=.=咁就返工.....

係街度等左小濤好耐..真係好唔開心.....唉....算.我自己上去.....唔想比你朋友話你個女朋友咁野蠻.......你要陪你朋友...你陪到夠....總之唔好理我......冇人陪我又好...拎野拎死我又好....唔好理我!!

有苦說不出...好辛苦>.<

hompy, hompy點解我只會係我唔開心ge時候黎搵你ge...因為..唔開心唔知道可以同邊個講...都冇人了解...所以只可我同你傾下計啦...

原來自己真係好天真....個腦有好多問號..雖然每一個問號你都比到答案我..但係你知唔知道..你ge答案真係有d難令我相信...我都唔想追問落去...因為我話過我會信你....請你令我可以繼續相信你好嗎?

你知道我可以有好大決心去決定一件事.....唔好呃我...機會我唔會再比多......

我成日都覺得自己好似係度呃緊自己....細MAY同我講..最好係3個一齊出黎講清楚佢..我唔想係因為我唔想你難做..你個日話..第2日你會係我面前打比佢清楚..結果呢..你冇咁做....我唔知你係唔記得左..定係你唔想咁做.....

我好想同你講..比2個星期時間你去解決....但係我講唔出...

搵人救下我啦.好辛苦呀.....

以前讀書個陣...完全都唔會聽張國榮, 張學友或者一d唔同我年代ge流行曲..

不過近來,呢d歌就日日陪住我....每一日都可以話係呢d歌曲陪住我訓覺......由其係張國榮個d..有幾首真係百聽不厭..

記得有一晚..我好細心咁聽哥哥唱'明星'...眼淚真係流左出黎...

聽佢地ge歌..真係會諗到好多野...從來聽"玻璃之情"都唔會聽到喊..不過今日就例外了...

今日d眼淚真係好似開左水喉....停唔到...

好耐都冇試過咁喊法...可能將咁耐ge唔開心, 咁耐ge無可奈何, 咁耐ge心酸一次過喊哂出黎....

你知道我因咩事唔開心嗎? 只要你有真真正正咁咀嚼過我話好鐘意個d歌曲ge歌詞..我諗你就應該會知道...

或者有記住我平時同你講過ge野..你就會明白我了...

琴日阿健真係講得好岩....佢比我更加了解你...而你..當然比任何人都了解你自己....會唔會因為咁..你會怪我唔夠了解你...誤會你...

如果係...好希望你同我講..

我真係有好比心機咁去做一個ge女朋友...

今日收到小學同電話..開心^^

(一陣打返琴日GE日記先)

今日係1週年lu..話咁快就一年lu...呢一年我好似老左好多=.=kaka(跟得小濤多?@@)

訓到日上三竿=.=又後食lunch...睇電影..睇到地震ge小朋友真係好慘....一路睇一路喊><鳴鳴......原來自己真係好幸福....簡直身在福中不知福....

之後出左去睇戲....買爆谷ge時候..我地本來只係諗住買中ge爆谷...點知小濤一句...'咦..原來大e爆谷只係貴3蚊咋wor!!' 

就係因為佢ge一句說話....我地就買左我地2個跟本食唔哂ge'大爆谷餐'啦!!!

真係食唔哂....又係睇完戲食完爆谷ge之後半個鐘左右..我地又要去食我ge1週年大餐..個下真係'頂'..因為仲係ok 飽..佢爆谷仲頂住左個胃-.-

去左我想食好耐ge金滿庭度食.....因為次次見到好多人排隊.....就係因為d爆谷仲頂住左個胃ge關係...所以我地就好節儉咁只係食左$183. hehe^^plan左父親節同老頭子去食...kaka

之後為左消化下個肚入d垃雜野...就去左尖咀行下...去左lv睇.. 終於睇中一個袋..不過冇哂貨..連waiting list都爆左=.=

之後又去左海旁行下..行到小濤成頭大汗..kaka早知唔去la...kaka..不過行下始終好d ge...係咪?

向第2週年出發...前提係唔好成日激到我生蝦咁跳=.='

今日長週..同小濤食左早餐之後.就各自返工....

都唔想收工....所以o.t左半個鐘咁多..之後就去買mark six...門口企左食q.....咁我好光明正大咁望住佢..諗住佢見到我一d都唔怕佢..冇心虛咁望住佢..個食q就唔會check我身分證ga la ma...點知佢就對住我伸左隻手出黎..咁咪無奈地比左張身分證佢睇.....我點睇都唔似18掛=.=比人笑啦....

之後返到屋企唔係咁開心..因為知道冇得同小濤出去....但係又好想出去....又因為冇人陪..係屋企又唔想訓..所以諗下諗下..又係d歌ge影響之下...我就喊左出黎啦....個公仔濕哂...媽媽返到屋企..見到我少有咁係屋企訓覺..佢仲以為我唔舒服tim....,

之後訓到訓唔著...小濤放左工就打比我...之後我地決定食完飯就出去行下街...心情就自自然然咁好返lu....(真係現實=.=)咩都冇買...只係食左一個雪糕..我已經好開心la..因為可以同你一齊呀ma^^

mark six每行都只係中左2個字=.=對我黎講已經好lucky ga la=.=不過我相信'我 有 朝 一 日 都 會 中 六 合 彩 大 獎 ga!!!!!!!'

其實上次ge旅行..有好多開心同埋唔開心ge事.....

知道好多都係大家唔想發生ge.....

因為時間太趕..大家都唔可以好好咁準備呢次ge行程..(有時downdown地我都會諗..其實我地今次係咪錯左)..見你咁累..仲要你同我周圍去....不如唔去><係屋企好好咁休息下..準備返份新ge工作....

我知你有你ge辛苦..你ge苦衷..我要體諒你..不過我都想有人體諒我...我唔想同你唔開心..所以我會學識去遷就人....

4日時候..得我地2個相處ge時候2日都冇=.=而我一日預備好ge行程..1/4都完成唔好..有d唔開心...當初問你想去邊..你話因為你唔熟地方..所以冇所謂..咁我都唔熟...但我都上網周圍搵有咩地方好去...到我搵到哂..又去唔到..真係好唔開心..你知唔知道..有時真係覺得你好似唔係好想去咁...成個行程好似得我一個粗心..你個心態我明白..去到先算去到先算呀ma..睇黎以後去旅5都係跟團去好嚕><

問左小may子..佢同佢男朋友上次去旅行之前係點ga..佢話..佢男朋友去之前好興奮..成晚大家都係度討論有咩好玩....個陣我真係好羨慕><鳴鳴..不過我都知道你還你..佢還佢..冇得比較..可能我真係比較細路女><

討厭你同人地傾計..一d都唔理我ge時候...

由細到大都係我就人多過人就我....好想改變自己呢種性格....

kaka唔知呢篇日記你又幾時先會睇到呢?

今日12:00check out左.好彩佢比我地寄放d行李係酒店..唔係點樣行=.=

食左個m記..行左一陣,等埋敏兒見完工..我地就去賭場lu

今日天氣有d熱..去左新莆京同埋同埋永利...小小咁玩左幾鋪...因為真係好貴><今次去真係預左交小小學費先><都唔係我想像中咁好玩..睇人玩仲好過自己玩><可能我細膽啦..唔敢擺d籌碼落台=.=因為驚...怕d錢'咋'一聲就冇左><

之後食左野...去買d手信(都買左成$400=.=)..敏兒就走左lu><見小濤隻腳痛,又唔想行..但係我地張船票又要到8:30先上得船=.=

又拎住2袋野..所以我地就坐低食d野傾下計先><講下呢幾日..講下一陣去邊....因為係酒店係'乙水'仔, 所以我地決定去'乙水'仔行陣...睇下野又行左陣..就去酒店拎返d野...去碼頭..睇下補唔補到票..可以早少少返hk...原來好多人都想補票..所以我地等左1個鐘...7:00先可以上船返hk..不過都比原來ge時間早左1個鐘ga la..算好好><返到屋企累死左=.=

今日一早訓醒..我地4個人(我地同埋敏兒佢地)..就去左食左早餐..之後我地就準備去摘草莓啦..kaka.不過.....我地坐左好耐車..都見唔到有草莓田..唔開心=.=小濤就係車度呆下訓下...唔理我..唔開心....討厭..

之後我地決定左去金台寺行下..個度我去過2次..一次係霞姐帶我去...一次係同大舅父佢地上去..因為今日唔係假期..所以上面冇咩人..好靜好舒服..好彩個日又唔係好曬..岩岩好^^

之後我地就去左橫琴食生豪..個度好靜..風景好令><好鐘意..4個人食都係食左200蚊左右...又唔係好貴咋wor^^..下次有機會一定要去多一次><

食完我地就決定返過去澳門..因為聽日要係澳門走..而我地又未玩夠..

租左間酒店..450蚊..都唔算貴呀^^