今日下午冇乜野做買左支鉛筆畫左好多野

最近既生活好都係好平靜咁過...人大左覺得平凡就是福不過我發現原來星星之火竟能與日月爭輝!!

曲：柳重言 詞：何秀萍

情情愛愛從來是天意弄人 從來也怕玩這命運遊戲

談情說愛從來並非我擅長 偏偏今天竟想到你

就在我失意挫敗盡頭 就在我不信世上仍然有愛不老

暗淡時刻一再教我看見亮光

來自你的默默扶持和柔情蜜意

沿途有你伴著未懂得珍惜

今天方知真需要你

都放得低嗎 跟我走好嗎

從頭同面對變化中的曲折

然後和宙宇一起都經過興衰

從前就要今天來做過個總結

我跟你將會 今生跟今世

從頭重做過以往種種一切

然後才發現 滄海都經過便知

情難處 必須永久相愛

尋晚睇左eason演唱會真係無諗過咁正真係好好睇>3<
話說本來叫我家姐幫我買飛諗住請佢睇不過買唔到飛
點知表姐打黎話有三張480飛多左佢朋友有事睇唔到所以請左我同姐一齊睇
表姐本來麻麻地eason係陪我地睇點知佢去到嗌得重大聲過我
其實頭十幾分鐘我以經好想企起身睇不過冇人陪之後叫表姐一齊企佢兩話不說彈起身~正
成個show冇悶場有好多cd聽覺得普通既歌live正n倍~現場聽eason原來好聽過cd好多
最驚喜係encore唱謝謝儂同那一夜有沒有說~好正中途瑩表姐問我會唔會唱第五現代化
我話唔會瓜點知佢一問完就真係唱之後我地開始失控laXD好HIGH牙D氣氛好到無得頂
無諗過真咁多感動位同埋攪笑位...依D真係值得回憶好多歌我地都跟住一齊唱
十二点幾先完場我地手軟聲沙返屋企本來放工去睇好累但係今次真係超正既一晚
不過見到有D人無乜反應真係好不知所謂阻住D真正FANS睇~有一場咁正既SHOW
都唔識得盡情享受反而有d想睇既人買唔到飛
最感動係天下無雙果時我揾番以前做粉絲既感覺~最攪笑係問有冇人無食過M記
點知真係有人舉手~EASON就話唔怕因為除左妳之外我地重有千千萬萬食麥當當既人
之後扮食漢寶飽佢食得勁型牙~重話好想飲杯奶色<--攪到我返屋企都去左M記買湯飲
PS多謝靚表姐如果唔係我都唔可以聽到一場100分既演唱會不過我好懐疑佢今晚之後會變臣迷

那一夜有沒有說?

曲:陳奕迅 詞:黃偉文 編:劉志遠 監製:王紀華

雲 在趕月 路低聲說 就翻風雪

寒 十一月 遊人望鄉心切

此際的 空氣冷冽 像當天感嘆般淒絕

人 在惜別 十分想說 願一起賞雪

我 笨且拙 從來大意善忘

擁抱間 該有說吧 像飛霜初降般轟烈

但 是否真的有這場雪

但 是否真的有清心直說

如沒說 一生都虧欠 有雪吧 讓記憶景像更(加)深遠

有說吧 為掛牽寫上壯麗完結篇

(聽)細說下 未了的心願 埋在那天

心底空缺 被那點說白蓋掩

前 路不斷 在雪下前 淚要落完

第一隻買既eason 碟與我常在~
推介全碟最正跟我走好嗎...依家播住那一夜有沒有說先

尋晚睇完月光光心慌慌之殺清光之後同然去食煲仔飯飲啤酒
之後佢話一齊去睇相好唔好本來好少信依d野同埋飲左酒唔去ga
但係佢sponsor我一半又盛意拳拳....咁未去睇下lo
都幾平同埋睇成粒鐘初初以為睇相好貴不過佢話我五行欠水.木
之前上網查過話我五行太旺欠火~但係師傅話金火土不利我
叫我避火轉行會工作好d~
有樣野同上網查都好似就係五行太強所以胃腸唔好我成日肚痛架<--依度準
之前上網查大多都話我晚年好但係師傅話我晚年麻麻反而27-31行眉運
之後36-46行眼運所以要好好運用36-46依段時間及話我有正.橫.偏財運
橫都準準地~偏佢話我老婆會好有錢或外家有~正就話我不合做老細反而打工會好掂
佢叫我間房東北面養條魚東面就放植物利我不利就係金器同埋原來紫色都係屬火
愛情我情人一定住我附近<--錯了未試過以前有一個不過佢唔係
又或是我舊同學/同事<--錯了我做左咁多年野都無女同事ga
佢話一係細我5-7年一係就大我2-3年<--又錯..
最攪野係然問佢我對眼有時會變色佢問點解師傅話我係有d陰陽眼...未玩la
(當時我真想即刻同佢講:係ar係ar其實我一坐低以經見到有個人頭0空掛左係你門口
依家重飛左埋黎咬你耳仔添...乜大師你唔痛咩)不過我都冇講..人地揾食姐
最後我覺得一睇無妨既..但求心安理得~佢話我個相係屬偏好既
不過養狗係屬土咁貓係屬水唔通真係佢講兩句就照做咩
有時要信自己多d~不過我會睇多兩間比較下既~突然個人迷信左添=.=

話說連有信心既歐聯都損手本來心情麻麻
不過有姐請我睇劉華然請我睇千嬅心情都好返D
其實我最想睇eason><
對上一次我買飛係睇twins都好易買到前排
依家買飛難D姐話九点打到三点先通得返200飛~
年年都話想萬聖節扮鬼都無扮...可能朋友少la
如果有十幾過志同道合既fd就正la
一齊着黑色和服出街扮死神整個面具扮假面同破面就正~重要整個橙色假髮
不過都係得個諗字
好悶牙依排返工同d人都無乜野講...就黎悶傻
如果d人有音樂治療既話我依家應該聽乜歌呢
係我記憶中踢波前聽足球小將打籃球就聽入樽
咁我依家應該聽依首la

我返黎la...今次好好玩
D人好好人因為仙巴水上樂園修理緊去唔到
佢升左我地去5☆訓一晚同遊船晚餐
我同基曬極都唔黑~不過佢變到好紅..我地影左千幾張相
有D未收到有人問我做乜兩個人去旅行我話比佢聽我地自閉佢唔信
不過一班人去一齊玩真係開心*3*第一次五個人坐一個大水泡沖落去好好玩
有兩公婆好好人好nice~當地人工作好有錢而外勞就工作得好辛苦
不過交通好好D車一定讓人行先好有禮貌...走個日基又發脾氣
不過我無出聲因為佢係我重要同伴之一第日有錢我都會同佢一齊玩...
等埋連仔返黎我諗到d野一齊攪攪...今次買左好多野食...肥左好多谷曬係個肚同塊面到>o<
希望快D可以再放假la~最後開始用snapp等間得閒放埋d相上去先\◎-◎/

無端端今日又唔洗返工同埋重有兩日放大假
本來心情幾好不過今日又比fd激親
話說依家好多人有情緒病~我都有
不過無理由成日要我就曬你架ma
好似遲到咁我遲15分鐘你就黑面
你遲半個鐘我笑住口1話你兩句姐==
其實我打比你果時你可以話遲左叫我行下先既ja
咁我可以行下先lo~你話差兩步...
成日無厘頭發脾氣
不過算la係依個人海茫茫做到十多年朋友….

本來我真係唔多鐘意賭錢不過點都要應酬所以都陪玩左一段時間
我覺得d骰好鬼嘈所以我最鐘意玩21点
依段時間發現好多人生百態有d人平時無乜野不過d賭品好差輸打贏要
又有D成日話輸左好多唔賭未唔輸lo有時出黎做野有好多真說話好難講出口
話說有一日我打莊~不過我飲緊酒所以叫然幫我睇最後我知贏左不過有d口數
本來諗算la大家玩下如果佢比先要lo~到第二日有人話有我贏好多....
喂我使唔使擺返幾圍開心下牙可同埋有d篤手指唔通我又話你聽咩
最激氣有個爭我錢成年既....有錢賭無錢還...如果話你又怕面左左
其實我最唔鐘意同自己人玩因為贏你我又唔想輸我亦唔想
今日我做左件屈凸既事特登等齊人之後問除左果兩個人有冇人重爭我
點知得一個人舉手~我即係覺得咁少事就可以睇清楚一個人~算我當掉左
以後唔會同你玩...山水有相逢他朝有日求到我門口....
山羊座好記恩對我好少聯絡都好~我會記住的~對我衰果d.............
追開有條路再打電話比人追錢佢話下星期入比我~
好似當我冤鬼咁杷聲好冷莫喂好似我對你唔住咁!
所以一定唔好借錢比人~尤其事fd因為借出去既錢你有可能收唔返之餘重可能失去果個朋友
要學say no最多比人講兩句
最近身邊多左個後生仔成日買波其實好想話d經驗比佢聽不過我又唔係好老
同佢講驚佢覺得我好串...記得幾年前一早就有人問我D比數或賠率我答得重快過電腦
睇幾本波經又學人講乜野鬼盤又會等乜野大莊落飛跟住落一星期試過贏七八個月人工
最勁係我一開始個本唔多之後賭到D錢好似唔係自己咁...果時真係唔想返工
但係越買越多隊有D個隊名自己聽都未聽過照買又扮勁同人夾行行下街都曾無LALA打電話去買結果......
到依家我都覺得如果我當時個心無紅既話係可以再當儲錢
不過要付出好多時間果時日日到對住個比數網一入有球就BB聲屋企人以為我傻架
雖然話戒左賭波不過依家馬會D串法方便左好多我用祖雲串羅馬+1雖然祖雲有D危但有3.幾可以去
都汁左少少~之後會停到歐聯再玩少賭怡情....
以下係我自己覺得OK既投注如果有人睇到又覺得錯唔好見怪依d係我個人心得:
每個月衹可用10％以下黎買波輸左唔可以追當D錢唔係自己既下個月再玩~
一日唔可以買多過3注~我自己買2注 通常2*1<-穩 3*4穩中中 邊有咁多冷丫
EQ低唔好開電話户口因為頭場輸左一定追同埋WIN幾多都無用你一定會買盡户口D錢(D錢一日地唔放返出黎都唔係自己既)
雖然我之前輸曬D錢但係到依家我係正數走好多乜野專家都係-數我唔話我好勁衹不過想話不賭便是贏...
輸錢輸埋時間....可能年齡大左成日比人話我講D野好大個身邊有幾個浪子覺得我唔群都係醉生夢死果隻
大佬我地唔細架LA講又講過比你聽~你唔聽無計
表弟都結婚了果時我老豆對眼發曬光~就黎又有fd結婚omg真係有D壓力添
其實我知老人家鐘意玩bb~但係有D野唔係話可以求其就有架ma~要計劃
O~幾時會有我自己既家呢~睇相佬話我個頭大有晚年運三十歲前會發達
我唔要好似牙伯咁要去打劫我要發力我要有兒有女...好似講到越來越遠
連仔call me話會返黎探我~o温暖既聲音希望今次唔好放飛機la
ps重有十幾日放大假=)