又飛左去溫哥華喇, 今次個pattern 係四日o者, 無上次咁耐

一去到搞掂哂之後訓喇, 足足訓左十二個鐘先起身, 鬼咁肚餓, 唯有o係酒店食早餐啦, 但係點知...... 早知出去食好過! 不過食食下, 望下外面, 嘩!!! 落雪呀! 係我第一次見到雪o係我面前落架咋! 上次o係frankfurt, 都係夜晚落完雪, 第二朝見到咁解架咋! 結果我好大鄉里咁用電話影相囉!! hehehehe   

今日係脫牙後第二日, 由於係阿B生日, 佢話要唱K, 咁我唯有去啦! 但係竟然唱到喎! 有無搞錯, 智慧牙喎大佬! 不過右邊面腫左少少啦, 唔係好覺o者! 唱完之後仲要去打麻雀添, 又打通宵啦~

今日約左牙醫十一點半返去脫埋右邊o既智慧牙, 今次佢陪埋我一齊去, 好似無咁驚囉....

有左第一次o既經驗, 今次我無乜點喊, 不過牙醫整到我個咀好痛, 佢不斷咁扯我隻牙出黎, 但係因為我隻大牙頂住, 搞左好耐都攞唔到出黎, 到最後又要用鑽, 又要磨先搞得掂佢... 結果都搞左大半個鐘, 咀都歪埋....醫生話: 嗱, 係咪呀, 都話唔係好多血, 我話: 唔係嘛, o個d唔係血, " 你o岩o岩o係個田度摘棵菜出黎, 都有泥包住啦" ......... 又係喎, 咁的而且確, 血的確唔多囉!!!

同上次一樣, 過左麻醉藥, 姑娘又打電話黎喇, 我一粒止痛藥都未食, 但係又唔痛喎! 其實我覺得我可以唔食架, 但係又驚痛喎, 結果都係食左一粒囉! 雖然唔痛, 但係我個口都係擘唔大, 算啦, 咪做下斯文人... 呵呵!

今日約左牙醫三點...終於都要面對喇, 結果一訓上張床度即喊.... 係好驚好驚, 咁大個女都未試過要打麻醉針脫牙嘛! 我不斷咁喊喊喊, 到醫生打完麻醉針都仲喊緊, 真係好驚....

終於都出手喇, 我訓o係張床度, 感覺到醫生好用力咁同我"拎"佢出黎, 因為呢隻已經生左, 唔駛界開牙肉, 好順利就"拎"左佢出黎, 但係o係佢幫我脫o既時候, 我真係明白到咩叫"如坐針氈", 我不斷咁喊, 又不斷咁嗌, 嚇到醫生以為我痛, 問左我不下十次" 你係咪痛呀?" 我話"唔係呀, 係我驚之嘛".... 我估, 醫生都比我吹漲

返到屋企, 諗住等佢痛就食止痛葯啦, 點知一o的都唔痛, 一粒止痛藥都唔駛食, 等我仲叫醫生比多隻我食添! 我o既食量係無少到, 好似平時咁, 係唔可以用左邊咬野食囉, 其他一切如常! 乜脫智慧牙唔係好痛架咩? 等我仲驚左咁耐! 但係下一次就要脫右邊o既智慧牙, 呢隻係未生出黎架, 今次要界開先"拎" 到出黎, 醫生話都係唔痛架喎, 仲要唔駛聯針, 都唔知係唔係架, 信住佢先啦!

我呢世女, 最怕o既一個人, 就係牙醫.... 但係, 偏偏我d牙就係唔齊, 咁可以點???

記得細個阿媽同我去睇牙醫, 一訓落張醫生床度就係咁喊, 個醫生不但無安慰我, 仲要好惡咁鬧我 : 我而家都無話要同你脫, 你喊咩o者, 你下次唔喊o個陣先好黎睇我呀!!! 結果我當然係再無去過啦!

到而家個人大左, 想結婚喇, 為左想自己嫁o個日可以做一日全世界最靚o既新娘子, 咁第一件事梗係要去整下棚牙啦! 之前睇過個牙醫, 頭先打比佢, 佢話個result有喇, 就係要脫兩隻牙!!!!! oh my god!!!!   之前去見佢, 佢仲話可能唔駛脫, 而家仲要我一脫兩隻..... 有options 比我囉, 一係兩隻智慧牙, 一係兩隻老虎牙, 佢suggest我係兩隻智慧牙囉, 因為係useless.... 咁我都accept左, 因為佢係咁同我講兩個o既痛楚係一樣.... 無計, 佢係professional, 我實信佢架! 約左8/2 去脫第一隻, 希望真係好似佢咁講, 唔係真係想像中咁痛啦! god bless me......

終於都返到屋企喇, 過左漫長o既8日, 訓返自己張床真係唔同o的o既! 不過呢8 日我都儲左好多錢, 忍到手無買野, 都算係咁啦, 可能我真係唔多喜歡美加o野, A&F又轉左春季衫, 大佬, 外面只係得o個一度, 你轉季...真係點買得落手呀!

不過不得不提o既就係, 我今次呢班機d crew個個都好好, 大家成日都一齊去玩去食飯, 如果唔係我呢8日都唔知點過, 我o係溫哥華又無人又無物...悶都悶死啦!!!

HEY! 好耐都無上過黎寫野喇, 好似都有年幾....

之不過係自己懶啫, 都好想寫多d野, 令到自己睇返知道自己幾時, o係邊度做過d乜野....

而家我o係溫哥華呀, 呢個係一個8days pattern, 要由香港去溫哥華, 停兩日, 再飛new york, 有24個鐘頭訓覺同買野, 跟住又返溫哥華, 再停兩日先返到香港! 救命.....飛極都返唔到屋企, 仲要比我知我隻狗仔嘔....佢梗係掛住我啦! 呢度無落雪, 但係就超級凍, new york仲凍,      都唔知道點解可以咁凍, 我一凍就唔想郁架喇嘛! 所以明明想去行街都唔去....仲好, 當慳返一筆!!!!!!!!! 

仲有成日幾先返香呀, 我就黎悶死喇!!!!!!!!!!!

好耐無出現, 都知大家好掛住我架喇, 點呀近呢個月!~

我呢個月真係好忙, train 完 747 同埋 777, 之後就狂飛呢兩隻機, 飛到癲左..... 攰到係唔想上黎寫野...... 因為我呢個月係咁飛 short flight, 什麼台北呀, 東京呀, 名古屋呀, 所以好少假放, 搞到個口係咁生 "飛滋", 痛死人!!!!

o岩o岩去完名古屋, 好開心, 因為係 long stay, 即係 o係 o個邊有廿四個鐘, 係咁出去玩, shopping 買野, 買左三個袋 - 2個agnes b, 一個blue label, 同埋一條 blue label 電話繩, 超靚!!!! 不過份 allowance 唔夠駛, 結果我要刷卡.......唉.....玩大左 tim! 我每個月份糧就係去哂找咭數囉! 不過, 難得可以去到咁多地方, 咪當係見識見識囉, 遲 d 就唔會咁架喇, 大個女, 要學下儲錢至得架嘛! 之後去東京, 諗住可以"全身而退" 啦, (即係儲返份 allowance) 但係點知, 都係駛鬼哂!!!!

今日好開心呀, 同我以前 jardine 個師父食飯, 同佢係咁傾計講事非, 咁又過一 day! 之後去左行 joy & peace, 見到對 boot 好鬼靚, 但係計埋 discount 都要成千五蚊, 真係好想買, 但係諗返自己 d 咭數, 都係忍下啦! 不過我好耐之前已經想買對斗零踭 o既高跟鞋, 咁千零蚊都唔係好過份啫, 呵??