我已經搬我屋皮喇~~~有時間去參觀同留言啦!!!

http://hk.myblog.yahoo.com/yokochacco

今年平安夜澳門渡過...但只係過去食葡撻..食晚飯同漫步漁人碼頭...即日來回......

話說大王送條手鍊比我做聖誕禮物..但禮物袋入面就連埋兩張船飛...不過船飛時間只顯示會逗留5個鐘......我即時問大王點解特登買飛過去但唔留過夜...大王話咁平安夜先難忘喎......(我就覺得有浪費,因為回程仲要係買豪華位...)

我6點鐘到澳門...先去食葡撻...再去搭的士食晚飯(燒牛仔肉..焗肉醬意粉..焗馬介休)好味呀~~之後就再搭的士去漁人碼頭......但除幾棵聖誕樹外...整體澳門都冇乜聖誕氣氛......行完影完相之後...我就搭船走喇......

我兩個"大鄉里"第一次搭豪華位...竟然完全唔知會有食...我仲覺得好驚奇呀~~真係"大鄉里出城"......

聖誕節正日就同皇上皇,皇太后一齊ifc食晚飯......間餐廳幾好食,又唔貴(兩個薄餅..豬扒..吞拿魚沙律..蜆肉意粉)......

boxing day我同大王去行山...行去東澳......來回行差唔多5個鐘...大王到暈咁滯......

我同大王決定29/12去泰國玩5日,泰國倒數...最緊要行chatuchak...去過幾次泰國都冇行過...今次應該可以得償所願......而且今次旅程有幾個泰國朋友帶路...希望可以去特別地方玩......

不過,平安夜去邊我就完全唔清楚...大王固作神秘唔肯透露...聖誕節晚餐就同大王皇上皇,皇太后,皇兄同皇嫂出外用膳(只有我一個外人吧~)......而且獻比皇上皇同皇太后禮物都諗好了......只可惜獻比大王禮物就毫無頭緒......

上星期六係泰國"水燈節"...即是祈求衰運遠去,好運埋......

可惜碰巧係假日...大部份人日頭忙住做生意...唔夠時間整"水燈"...所以唔夠熱鬧......

"水燈"必備要有浮底部...花...蠟燭...香...散銀......

放"水燈"地點榕樹灣碼頭......

17號去睇郭富城舞林正傳演唱會~~~超好睇呀~~~

全場爆滿..大部份歌迷已進入"中女"年齡(包括我)..但無阻投入程度..一樣興奮全程..

舞台設計尤其特別..不單360度轉...仲可以垂直再轉......再在內跳舞...厲害~~~另一精采就係郭富城玩雙槓......槓上又自轉..又企..又坐..又凌空慢步......總之超厲害~~~

可能我本身係郭富城多年粉絲...所以特別覺得好睇

不過大王連佢歌都冇聽過...全程表現出冷靜(冷淡)表情......

呢排大王超級積極向身邊泰國朋友請教泰文...所以連我都聽到識講......一,兩句咁多啦 ~

"暈ne buy條t奶" = 今日去邊度玩?

"阿咩" =阿媽

"p稍" =家姐

"non稍" =細妹

我泰文幾叻...... 都係多得大王咁博學...同埋要多謝我們身邊幾個泰國朋友

下次學到再寫比大家睇

呢幾日心情好差...所以不停食零食~朱古力..芝士圈......

跟住發生慘劇...條尖生粒大"飛滋"......

冇晒胃口...超痛......

噚晚心情異常低落..每一次去完婚紗鋪做,都會有呢個後遺症...我叫做"山林道後遺症"...

有一次個準新郎揀衫影婚紗相...佢見我第1句就問我影婚紗相未...我淨係以笑回答...我未有咁幸福呀~~  

娶都冇人娶...影乜婚紗相......

我咁大個女都未試過咁恨嫁...未試過咁有危機感...可能真係年紀一年一年咁大喇...仲要見咁多人比我細都已經有人要......加上而家連有部份屋企人都驚我嫁唔出...

感覺好灰......