中秋節快樂!! 

    祝大家新年快樂！！

    心想事成！！

    恭喜發財！！

      聖誕快樂！！

     新年快樂！！

我搬左屋啦！已經搬新屋差不多成兩個星期啦！我依家先很更新一下，原來我都幾懶呀！唉...尋日係小一自行分配學公佈，我幫大女報果間學校唔收佢，我已經預左啦！但依家最麻煩係之前我報個住址係舊地址，依家要去學位分配組更改地址，好麻煩呀！要去到"灣仔"咁遠呀！唉...

要搬屋啦！我地如冇意外，就會係下個月九號搬屋啦！我依家de心情有de興奮，又有de唔開心，因為我有de唔捨得依家住緊的地方，始終都住左係到都有幾年，都有de唔捨得，嗯.....

幾日前收到房署寄來的信，又派屋比我啦！今次派比我的屋邨都不錯架！所以今次我地接受呢個單位！房署要我下個星期二去辨理租約手續，好開心呀！我地終於可以上樓啦！唔使住個咁細既單位啦！我兩個女又可以有大de既活動空間比佢玩啦！

我大女今年讀高班，要揀小學啦，好煩呀！我依家感受到點解de家長咁緊張自己de子女既學業？依家我幫佢揀小學都咁緊張啦！到佢讀小學可能仲緊張過佢啦.......

我細女到依家都唔恨講野呀！佢令到我好煩又好擔心佢唔識講野呀！但係佢又唔係完全唔講喎...佢又時會講下"打呀""媽媽呀"爸爸呀"咁喎！！唉......